2026 ആദ്യ പാദം; ദുബൈയിൽ 13 പള്ളികൾ തുറന്നു

ദുബൈ: 2026 ആദ്യ പാദത്തിൽ ദുബൈയിൽ പുതുതായി 13 പള്ളികൾ വിശ്വാസികൾക്കായി തുറന്നുകൊടുത്തു. മൊത്തം 16.2 കോടി ദിർഹം ചെലവിട്ടാണ് പള്ളികൾ നിർമിച്ചതെന്ന് ദുബൈ ഇസ്​ലാമിക്​ അഫേഴ്​സ്​ ആൻഡ്​ ചാരിറ്റബിൾ ആക്ടിവിറ്റീസ്​ ഡിപാർട്ട്​മെന്‍റ്​ അറിയിച്ചു. 13 പള്ളികളിലായി 10,400ലധികം പേർക്ക്​ പ്രാർഥന നിർവഹിക്കാൻ സൗകര്യമുണ്ട്​.

ഇത് കൂടാതെ, ഭാവിയിൽ പള്ളി നിർമിക്കാനായി അൽ അവീർ 1, ഹിന്ദ്​ സിറ്റി 3, അൽ യലായിസ്​ 5, അൽ ഖവാനീജ്​ 2, നാദൽ ഷിബ, അൽ ജദ്ദാഫ്​, അൽ ഖിസൈസ് ഇൻഡസ്​ട്രിയൽ ഏരിയ, ഹത്ത തുടങ്ങിയ എട്ട്​ മേഖലകളിൽ 10 പ്ലോട്ടുകൾ അനുവദിച്ചതായും ഡിപ്പാർട്ട്മെന്റ്​ അറിയിച്ചു. തദ്ദേശവാസികൾക്കായി അഞ്ച്​ പള്ളികളും സമീപ പ്രദേശങ്ങളിലുള്ളവർക്കായി​ അഞ്ച്​ പള്ളികളുമാണ്​ അനുവദിച്ചിരിക്കുന്നത്.