ഗസ്സയിൽ കരയാക്രമണം ശക്തമാക്കി ഇസ്രായേൽ; അടിയന്തര വെടിനിർത്തലുണ്ടായില്ലെങ്കിൽ വൻദുരന്തം സംഭവിക്കുമെന്ന് യുഎൻ

ഗസ്സ സിറ്റി: ഗസ്സയിൽ ഇസ്രായേൽ കരയാക്രമണം വ്യാപിപ്പിച്ചതോടെ മരണസംഖ്യ കുത്തനെ ഉയർന്നു. ഇന്നലെ മാത്രം 77 പേർ കൊല്ലപ്പെട്ടു. അടിയന്തര വെടിനിർത്തലുണ്ടായില്ലെങ്കിൽ ഗസ്സയിൽ​ വൻദുരന്തം സംഭവിക്കുമെന്ന് യുഎൻ സെക്രട്ടറി ജനറൽ മുന്നറിയിപ്പ് നൽകി. സിറിയിലും ഇസ്രായേൽ ബോംബാക്രമണം ഉണ്ടായി. അതേസമയം, രാജ്യത്ത്​ സന്ദർശനത്തിന്​ എത്തുന്ന നെതന്യാഹുവിന്​ പൂർണ സംരക്ഷണം ഒരുക്കുമെന്ന്​ ഹംഗറി അറിയിച്ചു.

ഗസ്സയിൽ ഇ​സ്രാ​യേ​ൽ നി​യ​ന്ത്രി​ത 'സു​ര​ക്ഷാ മേ​ഖ​ല​ക​ൾ' സ്ഥാ​പി​ക്കു​മെ​ന്ന്​ ഇസ്രായേൽ പ്രധാനമന്ത്രി ബിന്യാമിൻ നെതന്യാഹു പറഞ്ഞു. ക​ര​യാ​ക്ര​മ​ണം വ്യാ​പി​പ്പി​ക്കുന്നത്​ ഈ ലക്ഷ്യം മുൻനിർത്തിയാണെന്നും നെതന്യാഹു കൂട്ടിച്ചേർത്തു. തെ​ക്ക​ൻ ഗ​സ്സ​യി​​ൽ റ​ഫ, വ​ട​ക്ക് ബ​യ്ത് ഹാ​നൂ​ൻ, ബ​യ്ത് ലാ​ഹി​യ തു​ട​ങ്ങി വി​വി​ധ മേ​ഖ​ല​ക​ളി​ൽ​നി​ന്ന് ഫ​ല​സ്തീ​നി​ക​ളെ കൂ​ട്ട പ​ലാ​യ​ന​ത്തി​ന് നി​ർ​ബ​ന്ധി​ച്ചാ​ണ് ക​ര​യാ​ക്ര​മ​ണം വ്യാപിപ്പിക്കുന്നത്​. ഇന്നലെ മാത്രം ഇസ്രായേൽ സേന കൊലപ്പെടുത്തിയത്77 പേരെയാണ്.

ഗ​സ്സ​യു​ടെ 25 ശ​ത​മാ​നം ഭൂ​മി പി​ടി​ച്ച​ട​ക്കു​ക​യാ​ണ് ഇസ്രായേൽ ല​ക്ഷ്യ​മെ​ന്നാ​ണ് റി​പ്പോ​ർ​ട്ട്​. സ​മ്പൂ​ർ​ണ വെ​ടി​നി​ർ​ത്ത​ൽ പ്ര​ഖ്യാ​പി​ച്ചാ​ൽ എ​ല്ലാ ബ​ന്ദി​ക​ളെ​യും ഒ​ന്നി​ച്ച് വി​ട്ട​യ​ക്കാ​മെ​ന്ന ഹമാ​സ് ​വാഗ്ദാനം ഇസ്രായേൽ തള്ളി. സൈനിക നടപടിയിലൂടെ മു​ഴുവൻ ബന്ദികളെയും മോചിപ്പിക്കുമെന്ന്​ നെതന്യാഹു പറഞു. ആ​ക്ര​മ​ണ​വും ഉ​പ​രോ​ധ​വും വ്യാ​പ​ക​മാ​യ​തോ​ടെ ഗ​സ്സ​യി​ൽ എ​ല്ലാ ഭ​ക്ഷ​ണ​കേ​ന്ദ്ര​ങ്ങ​ളും അ​ട​ച്ചു. ഉടൻ വെടിനിർത്തലിന്​ തയാറാകാൻ യുഎൻ സെക്രട്ടറി ജനറൽ ആന്‍റണിയോ ഗുട്ടറസ്​ ആവശ്യപ്പെട്ടു.

സിറിയൻ തലസ്ഥാനമായ ദമസ്കറിലാണ് ഇസ്രായേൽ ബോംബിട്ടത്. അതിനിടെ, അ​ന്താ​രാ​ഷ്ട്ര ക്രി​മി​ന​ൽ കോ​ട​തി അ​റ​സ്റ്റ് വാ​റ​ന്റ് നി​ല​നി​ൽ​ക്കെ ഇ​സ്രാ​യേ​ൽ പ്ര​ധാ​ന​മ​ന്ത്രി ബി​ന്യ​മി​ൻ നെ​ത​ന്യാ​ഹുവിന്‍റെ ഹം​ഗ​റി സ​ന്ദ​ർ​ശ​ന​ത്തി​ൽ മാറ്റമില്ലെന്ന്​ റിപ്പോർട്ടുകളുണ്ട്. ഐസിസി അംഗ രാജ്യമാണെങ്കിലും നെതന്യാഹുവിനെതിരായ ഉത്തരവ്​ അം​ഗീ​ക​രി​ക്കി​ല്ലെന്ന് ഹം​ഗ​റി വ്യ​ക്ത​മാ​ക്കി.