സ്വപ്‌ന ഗസ്സ - ഗസ്സയുടെ കവിത

​ഉയർന്നൊരാകാശത്തിൻ മുകളിലായി ഇന്നീ

ഞങ്ങൾ വിണ്ണിലൊരു നഗരം പണിയുന്നു;

രോഗമില്ല, രക്തമില്ല, ശാന്തി മാത്രം

വേദനയറ്റൊരിടം ഞങ്ങൾ തേടുന്നു.

​മിണ്ടാത്തൊരദ്ധ്യാപകൻ, നൊമ്പരത്താൽ

ആക്രോശിച്ചീടാതോർ, നേർവഴി ചേർത്തു;

സങ്കടം തീണ്ടാത്ത കുടുംബങ്ങൾ, ഇവിടെ

സ്വർഗ്ഗം കുറിക്കുന്ന റിപ്പോർട്ടർ, പാർത്തു.

​ശാശ്വതമാം പ്രേമം പാടുന്ന കവികൾ

ഗസ്സയിൽനിന്നോരോരുത്തരും ഒന്നായ്;

എല്ലാവരുമൊന്നിച്ചു സ്വർഗ്ഗത്തിൽ, എന്നീ

പുതിയൊരു ഗസ്സ വിടരും;

​ഉപരോധമില്ലാത്ത, ശാന്തമാം ഗസ്സ!

കണ്ണീരില്ലാത്തൊരിടം, സ്നേഹമാം ഗസ്സ!

കവി: ഹിബ അബൂ നദ

​വിവ: ഡോ. ഹഫീദ് നദ്‌വി