കോഴിക്കോട്: കൊയിലാണ്ടിയിൽ ഹരിത കർമ്മ സേനയോട് ക്രൂരത. ജീവനുള്ള പെരുമ്പാമ്പിനെ ചാക്കിലാക്കി മാലിന്യത്തിനൊപ്പം നിക്ഷേപിച്ചു. ചാക്ക് തുറന്ന ജീവനക്കാർക്ക് നേരെ പാമ്പ് ചാടുകയായിരുന്നു. കൊയിലാണ്ടി നഗരസഭയിലെ ഹരിതകര്മ സേനയ്ക്കാണ് ദുരനുഭവം.
തലനാരിഴയ്ക്കാണ് രക്ഷപ്പെട്ടതെന്ന് ഹരിത കർമ്മ സേനാംഗം ഹരിത പറഞ്ഞു. പ്ലാസ്റ്റിക് മാലിന്യങ്ങള്ക്കിടയില് പാമ്പുകളെ കാണാറുണ്ടെങ്കിലും, ഇത്തരത്തില് ബോധപൂര്വ്വം ചാക്കില് കെട്ടി ഉപേക്ഷിച്ച അനുഭവം ആദ്യമായാണെന്നും ഇവര് പറഞ്ഞു. ഇത്തരത്തിലുള്ള ക്രൂരത ആരും ചെയ്യരുതെന്നും ജീവനക്കാര് അഭ്യര്ത്ഥിച്ചു.
മുത്താമ്പിയില് മാലിന്യം ശേഖരിക്കാനായി നഗരസഭ സ്ഥാപിച്ച മെറ്റീരിയല് കലക്ഷന് ഫെസിലിറ്റി(എം.സി.എഫ്) സെന്ററിലാണ് വലിയ ചാക്കിനുള്ളില് കെട്ടിവച്ച നിലയില് പാമ്പിനെ കണ്ടെത്തിയത്. പേടിച്ചരണ്ട ജീവനക്കാര് പെട്ടെന്ന് മാറിയതിനാലാണ് കടിയേല്ക്കാതെ രക്ഷപ്പെട്ടത്. സംഭവത്തിൽ കൊയിലാണ്ടി നഗരസഭാ അധികൃതർ അന്വേഷണം ആരംഭിച്ചിട്ടുണ്ട്. പ്രദേശത്തെ സി.സി.ടി.വി ദൃശ്യങ്ങൾ പരിശോധിക്കുന്നുണ്ട്.
Watch Video Report