താമരശ്ശേരി ചുരത്തിൽ പാറ അടർന്നു റോഡിൽ വീണു; വാഹനങ്ങൾ ഇല്ലാത്തതിനാല്‍ അപകടം ഒഴിവായി
ഒൻപതാം വളവിന് താഴെയാണ് പാറ അടർന്ന് വീണത്
Update: 2025-04-28 07:39 GMT
കോഴിക്കോട്: താമരശ്ശേരി ചുരത്തിൽ പാറ അടർന്നു റോഡിൽ വീണു. ഒൻപതാം വളവിന് താഴെയാണ് പാറ അടർന്ന് വീണത്. ഈ സമയം വാഹനങ്ങൾ വരാതിരുന്നതിനാൽ അപകടം ഒഴിവായി.
ഇന്ന് ഉച്ചക്ക് 12 മണിയോടെയാണ് സംഭവം നടന്നത്. പാറ അടര്‍ന്ന് വീണതിനെത്തുടര്‍ന്ന് ഭാഗികമായി ഗതാഗതതടസ്സം നേരിടുന്നുണ്ട്. ഹൈവേ പൊലീസ് എത്തി പാറയും മണ്ണും നീക്കം ചെയ്യുന്ന നടപടികള്‍ തുടങ്ങി.