ഹേസൽവുഡ് മടങ്ങിവരും, ടീമിനൊപ്പം ചേർന്ന് വിദേശതാരങ്ങൾ; ആർസിബിക്ക് ആശ്വാസം

ന്യൂഡൽഹി: ഓപ്പറേഷൻ സന്തൂറിന് ശേഷമുണ്ടായ അനിശ്ചിതത്വങ്ങൾക്ക് ശേഷം ഐപിഎൽ മത്സരങ്ങൾ പുനരാരംഭിക്കുമ്പോൾ ആർസിബിക്ക് ആശ്വാസം. നാട്ടിലേക്ക് മടങ്ങിയ ജോഷ് ഹേസൽവുഡ് മടങ്ങിവരുമെന്ന് വിവിധ റിപ്പോർട്ടുകൾ. തോളിന് പരിക്കേറ്റതിനാൽ നാട്ടിലേക്ക് മടങ്ങിയ ഹേസൽവുഡ് മടങ്ങിവരില്ലെന്ന് റിപ്പോർട്ടുകളുണ്ടായിരുന്നു. ​സീസണിൽ മികച്ച ഫോമിലാണ് ഹേസൽവുഡ് പന്തെറിയുന്നത്.

ഇംഗ്ലീഷ് താരങ്ങളായ ഫിൽ സാൾട്ട്, ലിയാം ലിവിങ്സ്റ്റൺ, ജേക്കബ് ബെതൽ, ദക്ഷിണാഫ്രിക്കൻ പേസർ ലുങ്കി എൻഗിഡി, വിൻഡീസ് താരം ഷെർഫെയ്ൻ റഥർഫോർഡ്, ഓസീസ് താരം ടിം ഡേവിഡ് അടക്കമുള്ള വിദേശ താരങ്ങളും ടീമിനൊപ്പം ചേർന്നു.

ക്യാപ്റ്റൻ രജത് പാട്ടീഥാർ നെറ്റ്സിൽ പരിശീലിക്കുന്ന ചിത്രങ്ങളും ആർസിബി പുറത്തുവിട്ടിട്ടുണ്ട്. വിരലിനേറ്റ പരിക്ക് മൂലം പാട്ടീഥാർക്ക് തുടർമത്സരങ്ങളിൽ നിന്നും പുറത്തിരിക്കേണ്ടി വരുമെന്ന് നേരത്തെ റിപ്പോർട്ടുകളുണ്ടായിരുന്നു.

നടന്നുവരുന്ന ഐപിഎല്ലിൽ മികച്ച ഫോമിലാണ് റോയൽ ചാലഞ്ചേഴ്സ് ബെംഗളൂരു . 11 മത്സരങ്ങൾ പൂർത്തിയായപ്പോൾ 16 ​പോയന്റുമായി പട്ടികയിൽ രണ്ടാമതാണ് ബെംഗളൂരു. ഒന്നാമതുള്ള ഗുജറാത്ത് ടൈറ്റൻസുമായുള്ളത് നെറ്റ് റൺറേറ്റിലെ വ്യത്യാസം മാത്രം.

ഇമ്പാക്റ്റ് ​െപ്ലയറായി വന്ന് തിളങ്ങിയിരുന്ന ദേവ്ദത്ത് പടിക്കൽ പരിക്കിനെത്തുടർന്ന് ടൂർണമെന്റിൽ നിന്നും പുറത്തായിരുന്നു. മായങ്ക് അഗർവാളിനെ പരക്കാരനായി ടീമിൽ ഉൾപ്പെടുത്തിയിട്ടുണ്ട്.