വാഹനാപകടം: പാലക്കാട് സ്വദേശി അബൂദബിയിൽ മരിച്ചു

അബൂദബി : പാലക്കാട് സ്വദേശി അബൂദബിയിൽ വാഹനാപകടത്തിൽ മരിച്ചു. വല്ലപ്പുഴ കാണിത്തോടി കുഞ്ഞിമുഹമ്മദ് ഹാജിയുടെ മകൻ സുബൈർ എന്ന ബാബു (42) ആണ് മരിച്ചത്. സുബൈർ ഓടിച്ച കാറിന് പിന്നിൽ മറ്റൊരു വാഹനം ഇടിച്ചായിരുന്നു അപകടം. ഉമ്മ :ഖദീജ. ഭാര്യ ഷെരീഫ. സുഹൈൽ, സുബൈദ എന്നിവർ സഹോദരങ്ങളാണ്. രണ്ട് മക്കളുണ്ട്. അബൂദബി കെഎംസിസി ലീഗൽ വിങ്ങിന്റെ നേതൃത്വത്തിൽ നടപടിക്രമങ്ങൾ പൂർത്തിയാക്കി മയ്യത്ത് നാട്ടിൽ കൊണ്ടുപോയി. കബറടക്കം ഇന്ന് ( ശനി) വല്ലപ്പുഴ അപ്പംകണ്ടം ജുമാ മസ്ജിദ് ഖബർസ്ഥാനിൽ നടക്കും.