തൃശൂർ പെരിഞ്ഞനം സ്വദേശി ദുബൈയിൽ അന്തരിച്ചു

ദുബൈ: തൃശൂർ പെരിഞ്ഞനം സ്വദേശി ദുബൈയിൽ അന്തരിച്ചു. പൊൻമാണികുടം വെങ്കിടങ്ങ് വീട്ടിൽ സത്യനാണ് (60) മരിച്ചത്. മുപ്പത് വർഷമായി പ്രവാസിയായ ഇദ്ദേഹം ദേരയിലെ മൊബൈൽ ഷോപ്പ് ജീവനക്കാരനായിരുന്നു. തലച്ചോറിൽ രക്തസ്രാവത്തെ തുടർന്ന് ഈമാസം ഒന്ന് മുതൽ ദുബൈ റാശിദ് ആശുപത്രിയിൽ ചികിൽസയിലായിരുന്നു. ഭാര്യ: അജിത. മക്കൾ: ശ്രീരാഗ്, അക്ഷയ. ആശുപത്രിയിലായതിനാൽ ഭാര്യയെ സഹോദരങ്ങൾ നാട്ടിൽ നിന്ന് ദുബൈയിലെത്തിച്ചിരുന്നു. നടപടികൾ പൂർത്തിയാക്കി മൃതദേഹം നാട്ടിലേക്ക് കൊണ്ടുപോകുമെന്ന് ബന്ധുക്കൾ പറഞ്ഞു. ദുബൈ കെ.എം.സി.സിയുടെ നേതൃത്വത്തിൽ നടപടികൾ പുരോഗമിക്കുകയാണ്.