പാലക്കാട് കല്ലടിക്കോട് മൂന്ന് കുട്ടികൾ മുങ്ങി മരിച്ചു

പാലക്കാട്: പാലക്കാട് കല്ലടിക്കോട് മൂന്നേക്കർ ഭാഗത്ത് മൂന്ന് കുട്ടികൾ മുങ്ങി മരിച്ചു. ഒരു പെൺകുട്ടിയും രണ്ട് ആൺകുട്ടികളുമാണ് മരിച്ചത്. തുടിക്കോട് തമ്പിയുടെ മകൾ രാധിക (10) തുടിക്കോട് ഉന്നതിയിൽ പ്രകാശന്റെ മക്കളായ പ്രദീപ്‌ (5)പ്രതീഷ് (4) എന്നിവരാണ് മരിച്ചത്.

പെൺകുട്ടി സംഭവസ്ഥലത്തും ആൺകുട്ടികൾ പാലക്കാട് ജില്ലാ ആശുപത്രിയിൽ ചികിത്സക്കിടെയുമാണ് മരിച്ചത്. ഇന്ന് വൈകീട്ട് 5 മണിക്കായിരിന്നു സംഭവം. ഉച്ചക്ക് കളിക്കാൻ പോയതായിരുന്നു കുട്ടികൾ. കാണാതായതോടെ പ്രദേശവാസികൾ അന്വേഷിച്ചപ്പോഴാണ് വെള്ളക്കെട്ടിന് സമീപം ചെരുപ്പ് കണ്ടത്. തുടർന്ന് നടത്തിയ പരിശോധനയിലാണ് കുട്ടികളെ കണ്ടെത്തിയത്.

Full View