കടമക്കുടിയുടെ സൗന്ദര്യം പങ്കുവെച്ച് ആനന്ദ് മഹീന്ദ്ര; പ്രകൃതിഭംഗി ആസ്വദിക്കാൻ സ്വാഗതം ചെയ്ത് മന്ത്രി റിയാസ്

തിരുവനന്തപുരം: കടമക്കുടിയുടെ പ്രകൃതിഭംഗി എക്‌സിൽ പങ്കുവെച്ച് വ്യവസായി ആനന്ദ് മഹീന്ദ്ര. ഭൂമിയിലെ ഏറ്റവും മനോഹരമായ ഗ്രാമങ്ങളിൽ ഒന്നായ കടമക്കുടി ഡിസംബറിൽ താൻ സന്ദർശിക്കാൻ തീരുമാനിച്ചിട്ടുണ്ടെന്നും അദ്ദേഹം പറഞ്ഞു.

''കേരളത്തിലെ കടമക്കുടി...ഭൂമിയിലെ ഏറ്റവും മനോഹരമായ ഗ്രാമങ്ങളിൽ ഒന്ന്. ഈ ഡിസംബറിൽ കൊച്ചിയിലേക്ക് ഒരു ബിസിനസ് ടൂർ തീരുമാനിച്ചിട്ടുണ്ട്. അവിടെ നിന്ന് അര മണിക്കൂർ മാത്രം അകലെയാണ് ഈ സ്ഥലം''- ആനന്ദ് മഹീന്ദ്ര എക്‌സിൽ കുറിച്ചു.

അവിശ്വസനീയമായ പ്രകൃതിഭംഗി ആസ്വദിക്കാൻ സ്വാഗതം ചെയ്യുന്നുവെന്നും താങ്കൾക്ക് ആതിഥ്യമരുളുന്നത് ഒരു അംഗീകാരമായാണ് കേരള ടൂറിസം കാണുന്നതെന്നും മന്ത്രി റിയാസ് ആനന്ദ് മഹീന്ദ്രയുടെ ട്വീറ്റിന് മറുപടിയായി കുറിച്ചു.