കാലാവസ്ഥ ഏതായാലും ശരി, മണം മങ്ങില്ല; ദീർഘനേരം സു​ഗന്ധം നിലനിർത്താൻ ഈ പെർഫ്യൂമുകൾ മതി

നമ്മുടെ നാട്ടിലെ വേനൽച്ചൂടും വിയർപ്പും ഹ്യുമിഡിറ്റിയും കാരണം പെർഫ്യൂമുകളുടെ മണം പെട്ടെന്ന് മങ്ങിപ്പോകുന്നത് ഭൂരിഭാഗം പേരും നേരിടുന്ന വലിയൊരു പ്രശ്നമാണ്. ഒരുപാട് സമയം പുറത്ത് ചെലവഴിക്കേണ്ടി വരുന്നവരുടെ പെർഫ്യൂമുകളുടെ ​ഗന്ധം വളരെയെളുപ്പം ​മങ്ങുന്നു എന്നത് പലരും പറയാറുള്ള പരാതിയാണ്. മികച്ചൊരു പെർഫ്യൂം തിരഞ്ഞെടുക്കുമ്പോൾ ​ഗന്ധം മാത്രം നോക്കിയാൽ പോര എന്ന് പറയുന്നത് ഇതുകൊണ്ടാണ്. ഏത് കാലാവസ്ഥയെയും പ്രതിരോധിച്ച് ദിവസം മുഴുവൻ ഫ്രഷ് ആയിരിക്കാൻ മികച്ച ഓയിൽ കോൺസെൻട്രേഷനും റിച്ച് ബേസ് നോട്ടുകളുമുള്ള പെർഫ്യൂമുകൾ തിരഞ്ഞെടുക്കേണ്ടതുണ്ട്.

കാലാവസ്ഥയ്ക്ക് അനുയോജ്യമായ പെർഫ്യൂം എങ്ങനെ സ്മാർട്ടായി തിരഞ്ഞെടുക്കാമെന്ന് നോക്കാം:

ശരിയായ പെർഫ്യൂം കോൺസെൻട്രേഷൻ എങ്ങനെ തിരഞ്ഞെടുക്കാം?

പെർഫ്യൂമുകൾ എത്ര സമയം ശരീരത്തിൽ നിലനിൽക്കും എന്നത് അതിലടങ്ങിയിരിക്കുന്ന സുഗന്ധ എണ്ണകളുടെ (fragrance oil) അളവിനെ ആശ്രയിച്ചിരിക്കുന്നു. പ്രധാനമായും നാല് തരത്തിലാണ് ഇവ തരംതിരിക്കപ്പെട്ടിരിക്കുന്നത്:

• പാർഫം (Parfum / Extrait de Parfum): ഇതിൽ സുഗന്ധ എണ്ണകളുടെ അളവ് വളരെ കൂടുതലായിരിക്കും. കടുത്ത ചൂടിലും എട്ട് മുതൽ 12 മണിക്കൂറോ അതിൽ കൂടുതലോ സമയം ഇത് നിലനിൽക്കും.
• ഓ ദ പാർഫം (Eau de Parfum - EDP): 15% മുതൽ 20% വരെ സുഗന്ധ എണ്ണകൾ അടങ്ങിയ ഇവ മികച്ച പെർഫോമൻസ് നൽകുന്നവയാണ്. സാധാരണയായി ആറ് മുതൽ 10 മണിക്കൂർ വരെ ഇതിന്റെ സുഗന്ധം നിലനിൽക്കും. ഇന്ത്യൻ കാലാവസ്ഥയ്ക്ക് ഏറ്റവും അനുയോജ്യമായ ഇൻവെസ്റ്റ്മെന്റും ഇതാണ്.
• ഓ ദ ത്വാലെറ്റ് (Eau de Toilette - EDT): കൂടുതൽ ലൈറ്റും ഫ്രഷുമായ സുഗന്ധമാണെങ്കിലും, കടുത്ത ചൂടുള്ള കാലാവസ്ഥയിൽ വെറും മൂന്ന് മുതൽ ആറ് മണിക്കൂറിനുള്ളിൽ ഇതിന്റെ മണം മങ്ങിപ്പോകാൻ സാധ്യതയുണ്ട്.
• ബോഡി മിസ്റ്റുകൾ & ഓ ദ കൊളോൺ (Body Mists & Eau de Cologne): വളരെ പെട്ടെന്ന് ഫ്രഷ്നസ്സ് കിട്ടാൻ മാത്രമാണ് ഇവ ഉപയോഗിക്കുന്നത്. ദിവസം മുഴുവൻ സുഗന്ധം നൽകാൻ ഇവയ്ക്ക് കഴിയില്ല.

കടുത്ത കാലാവസ്ഥയിലും ദിവസം മുഴുവൻ സുഗന്ധം നിലനിർത്താൻ സഹായിക്കുന്ന ഏഴ് മികച്ച പെർഫ്യൂം ഓപ്ഷനുകൾ നോക്കാം:

1. ഗസ് ബെല്ല വിറ്റ പാരഡീസോ (GUESS Bella Vita Paradiso Liquid Eau De Parfum For Women)

സ്ത്രീകൾക്കായി പ്രത്യേകം തയ്യാറാക്കിയ തികച്ചും ആധുനികമായ ഒരു സുഗന്ധമാണിത്. തുടക്കത്തിൽ ഫ്രഷ് ആയ സിട്രസ് മണവും, പിന്നീട് ഫ്ലോറൽ-ഫ്രൂട്ടി സുഗന്ധവും നൽകുന്ന ഇത് അവസാനിക്കുന്നത് മസ്ക്, ആമ്പർ, വുഡി നോട്ടുകളുടെ ഊഷ്മളതയിലാണ്. ദിവസേനയുള്ള ഉപയോഗത്തിനും പാർട്ടികൾക്കും ഒരുപോലെ അനുയോജ്യമായ ഇത് കുറഞ്ഞ വിലയിൽ മികച്ച ഈടുനിൽപ്പ് നൽകുന്നു.

2. ടോമി ഹിൽഫിഗർ ഇംപാക്ട് ഇന്റൻസ് (Tommy Hilfiger Impact Intense Eau de Parfum For Men)

പുരുഷന്മാർക്കായുള്ള ഈ ബോൾഡ് പെർഫ്യൂം ആപ്പിൾ, സുഗന്ധമുള്ള ഔഷധച്ചെടികൾ (aromatic herbs), സ്മോക്കി ചെസ്റ്റ്നട്ട്, ആമ്പർ, വുഡി നോട്ടുകൾ എന്നിവയുടെ മികച്ചൊരു കൂട്ടാണ്. ഓഫീസിൽ നിന്ന് നേരെ വൈകുന്നേരത്തെ പരിപാടികളിലേക്ക് പോകുന്നവർക്ക് ഉപയോഗിക്കാൻ പറ്റിയ, അമിതമാകാത്ത എന്നാൽ ആത്മവിശ്വാസം നൽകുന്ന ഒന്നാണിത്. ഇതിനൊപ്പം ഒരു ട്രാവൽ സ്പ്രേയും ലഭ്യമാണ്.

3. കരോലിന ഹെരേര 212 വിഐപി ബ്ലാക്ക് (Carolina Herrera 212 VIP Black Eau de Parfum For Men)

അബ്‌സിന്തെ (absinthe), ലാവെൻഡർ, മധുരമുള്ള വനില എന്നിവ ആമ്പർ മസ്കിനൊപ്പം ചേർത്തുവെച്ച മനോഹരമായ പുരുഷ പെർഫ്യൂമാണിത്. പാർട്ടികൾക്കും ഡിന്നറുകൾക്കും പ്രത്യേക ആഘോഷങ്ങൾക്കും അണിയാൻ പറ്റിയ, ദീർഘനേരം നിൽക്കുന്നതും ആകർഷകവുമായ സുഗന്ധവലയം ഇത് സമ്മാനിക്കുന്നു.

4. റബാൻ ഇൻവിക്റ്റസ് വിക്ടറി (Rabanne Invictus Victory Eau De Parfum For Men)

നല്ല ഉന്മേഷം തരുന്ന നാരങ്ങയുടെ മണവും സുഗന്ധവ്യഞ്ജനങ്ങളുടെ (incense) സുഗന്ധവും ക്രീമി വനിലയും ചേർന്ന പവർഫുൾ പെർഫ്യൂമാണിത്. ഇതിലടങ്ങിയിരിക്കുന്ന ആമ്പറും ടോങ്കാ ബീനും ദിവസം മുഴുവൻ നീണ്ടുനിൽക്കുന്ന റിച്ച് ഫിനിഷിങ് നൽകുന്നു. മധുരവും അതേസമയം പൗരുഷവുമുള്ള മണം ഇഷ്ടപ്പെടുന്നവർക്കും രാത്രികാലങ്ങളിലെ ഉപയോഗത്തിനും ഇത് മികച്ചതാണ്.

5. ഗുച്ചി ബ്ലൂം (Gucci Unisex Adult Bloom Eau De Parfum)

മുല്ലപ്പൂവ്, ട്യൂബ് റോസ്, രംഗൂൺ ക്രീപ്പർ തുടങ്ങിയ വെളുത്ത പൂക്കളുടെ പ്രകൃതിദത്തമായ സുഗന്ധം ഇഷ്ടപ്പെടുന്നവർക്കായി രൂപകൽപ്പന ചെയ്ത പെർഫ്യൂമാണിത്. ലളിതവും ആഡംബരം നിറഞ്ഞതുമായ ഈ ഫ്ലോറൽ സുഗന്ധം സ്ത്രീകൾക്കും പുരുഷന്മാർക്കും ഒരുപോലെ ഉപയോഗിക്കാൻ അനുയോജ്യമായതാണ്.

6. ടോം ഫോർഡ് ഓംബ്രെ ലെതർ (Tom Ford Unisex Ombre Leather Eau De Parfum)

റിച്ച് ലെതർ, വയലറ്റ് ഇലകൾ, ഏലക്കായുടെ മണം, ആമ്പർ എന്നിവയുടെ തികച്ചും വ്യത്യസ്തമായ ഒരു കൂട്ടാണിത്. ബോൾഡ് സുഗന്ധങ്ങൾ ഇഷ്ടപ്പെടുന്ന സ്ത്രീകൾക്കും പുരുഷന്മാർക്കും ഒരുപോലെ ഉപയോഗിക്കാവുന്ന ഈ പ്രീമിയം പെർഫ്യൂം അസാധ്യമായ ഈടുനിൽപ്പും ലക്ഷ്വറി ഫീലുമാണ് നൽകുന്നത്. വൈകുന്നേരങ്ങളിലേക്കും തണുപ്പുള്ള സമയങ്ങൾക്കും ഇത് കൂടുതൽ അനിയോജ്യമാണ്.

7. ഹ്യൂഗോ ബോസ് ബോസ് ബോട്ടിൽഡ് (HUGO BOSS Boss Bottled Eau De Parfum)

ആപ്പിൾ, കുരുമുളക്, കറുവാപ്പട്ട, രാമച്ചം എന്നിവയുടെ ക്ലാസിക് കോമ്പിനേഷനാണിത്. മധുരവും സ്പൈസി നോട്ടുകളും കൃത്യമായ അളവിൽ ചേർത്ത ഈ പെർഫ്യൂം മീറ്റിങ്ങുകളിലും ദിവസേനയുള്ള ഉപയോഗത്തിനും ഒരുപോലെ മികച്ചതും വിശ്വസിക്കാവുന്നതുമായ ചോയ്‌സാണ്.

പെർഫ്യൂമുകൾ ഉപയോ​ഗിക്കുന്നതിലും സൂക്ഷിക്കുന്നതിലും ചില കാര്യങ്ങൾ കൂടി ശ്രദ്ധിക്കേണ്ടതുണ്ട്.

• പെർഫ്യൂമുകൾ കൂടുതൽ സമയം നിൽക്കാൻ കൈത്തണ്ട, കഴുത്ത്, ചെവിയുടെ പുറകുഭാഗം, കൈമുട്ടിന്റെ ഉൾവശം തുടങ്ങിയ പൾസ് പോയിന്റുകളിൽ സ്പ്രേ ചെയ്യാൻ ശ്രദ്ധിക്കുക.
• ഇവ കേടുകൂടാതെയിരിക്കാനും സുഗന്ധത്തിന്റെ ഗുണമേന്മ നഷ്ടപ്പെടാതിരിക്കാനും നേരിട്ട് വെയിൽ അടിക്കാത്ത തണുപ്പുള്ളതും വരണ്ടതുമായ സ്ഥലങ്ങളിൽ സൂക്ഷിക്കുക.
• സെൻസിറ്റീവ് ചർമമുള്ളവർ പെർഫ്യൂമുകളിൽ അടങ്ങിയിരിക്കുന്ന ആൽക്കഹോളും സുഗന്ധദ്രവ്യങ്ങളും ചർമത്തിന് അസ്വസ്ഥത ഉണ്ടാക്കുന്നില്ല എന്ന് ഉറപ്പാക്കാൻ നേരിട്ട് ഉപയോഗിക്കുന്നതിന് മുമ്പ് ഒരു പാച്ച് ടെസ്റ്റ് ചെയ്യുന്നത് നന്നായിരിക്കും.